從我大一開始,喺音協入面所認識嘅女仔就唔多,平時有碰面嘅就更加少~

基本上,見得最多嘅就係一班... ...臭男人!

講到果班佬嘅惡行... ....  七個字就可以形容曬!!

"食煙劈酒講粗口"

所以,我從來都好怕同佢地食宵夜~

一坐低吹水,就開始,一支煙槍...兩支煙槍... 三支...四支... ...

喺一團充滿強烈刺激性氣味嘅濃煙入面,就連呼吸嘅空間都無~

D佬之間嘅談話,我又無乜共鳴,都好少會加把口入去傾... ...

當D煙食完,就開始,買一打酒...兩打酒... ...玩骰盅... ...

我唔係唔悉玩,但我轉數太慢,跟唔到佢地D節奏~ 況且,佢地習慣... 劈劈劈!! 

依D玩意,唔係好啱我,所以我都好少會加入同佢地一齊玩... ...

劈到咁上下,大家情緒開始高漲,口舌之戰就更加激烈~

你X佢一句...佢X你兩句... 你又XX佢三句...佢又XXX四句... ...

對於粗口,我更加唔會同佢地癲... ...

咁嘅情況下,我都會想辦法儘快走人~

為咗健康,我覺得,係有必要的.

聞佢地D煙味,個鼻同喉嚨真係好辛苦,而佢地都唔會因為咁而唔食煙~

見到佢地飲咁多酒,真係好想叫佢地唔好再飲,傷身之餘又搞到成陣酒除~

聽佢地之間嘅口角,D粗口飛來飛去,真係好ung耳,令人無奈得一個程度~

但系,真係很哩個...藝術!!

 (初中果陣,成日爆粗嘅音樂老師同我地藝術班講 "其實,講粗口,是一門藝術!"   至今,"藝術" 依個詞,已經引申成帶有 "褒貶雙關" 嘅意思... ...下面言歸正傳)

同依班人一齊,其實會覺得好舒服~好自由~ 仲好好玩添```

只要聚埋一起,就會爆出好多笑料,有時又會有D爛gag令人傻眼~ 哈哈!

更重要嘅係,同大家一齊唱歌嘅感覺真係好好``

任何時候,只要有任何一個人哼起歌,其他人都會不約而同響應... ...

就好似以前細個睇電視連續劇,中意聽買片尾曲,睇埋預告連汁都撈埋咁...

歌癮大到,莫講話 主旋+和音, 就連伴奏都要唱埋!!

而且一旦投入唱歌,大家都進入忘我境界,越唱越勇~

凝聚出一股誓死唱爆玻璃嘅英雄氣魄!! 甚至要到唱破喉嚨唱斷氣嘅亡命境界!!

音樂令一群有著唔同經歷,唔同思想,唔同性格嘅年輕人,產生出強烈共鳴...

令人感到震撼...滿足...感動...快樂... ...

難道還不夠么?

音協這幫人啊~

很喂!

很觀星!

很都仲得!

很仲唔係咩!

哈! Thank you,guys!